A NOSA LINGUA

DEITADO FRENTE AO MAR...

"Lingoa proletaria do meu pobo
eu fáloa porque sí, porque me gosta,
porque me peta e quero e dame a gaña;
porque me sai de dentro, alá do fondo
de unha tristura aceda que me abrangue
ao ver tantos patufos desleigados,
pequenos mequetrefes sin raíces
que ao pór a garabata xa non saben
afirmarse no amor dos devanceiros,
falar a fala nai,
a fala dos abós que temos mortos,
e ser, co rostro erguido,
mariñeiros, labregos do lingoaxe,
remo i arado, proa e rella sempre.

CASTELAO

"Algunhas veces topamos con hespañoes de orgullosas apariencias de intelixencia que se burlan dos nosos anceios xenerosos, porque iñoran que Galiza -tan lonxe deles, pero tan preto do novo mundo- pesa e pesará na vida do Estado hespañol. 

Estes homes desprezan o futuro e non saben interpretar o pasado. Tamén topamos con algún galego que se sinte fillo dunha patria pequena. A estes galegos convén repetirlles: "¿Dis que Galiza é moi pequena? Eso depende do tamaño do teu espírito. Canto máis pequeno teñas o espírito máis terra precisarás. Se Galiza che parece pequena é porque non tes azos para concebir nada grande".

Teñamos, pois, o espírito grande para sentirnos orgullosos de ser fillos dunha Terra pequena. Por que ou non é verdade que a personalidade da nosa Terra sexa un feito ou a súa alma resplandecerá pola grandeza da alma dos seus fillos."

SEMPRE EN GALIZA, Castelao.

Bloque Nacionalista Galego

Comezaremos con esta entrada na que explicamos sin detalles o que defendemos, como galegos que somos.

O nacionalismo é a resposta contra unha situación de dependencia económica, opresión cultural e política de Galiza que imposibilita a transformación e benestar da sociedade. 

Galiza, como nación, ten dereito á autodeterminación e ao exercicio da soberanía nacional.

Defensa da democracia e dos intereses populares.

Necesidade de autoorganización política e social e non dependencia nas relacións de Galiza.